رايح شغلك الصبح بدري من غير ما تنام كويس و مرهق و مستنذف و نفسك اليوم يخلص قبل ما يبتدي اساسا و بتفكر في قرف الشغل و مديرك و العملا و دخلت الشغل و بتسجل حضور, لقيت مكان البصمه شاشة مكتوب فيها

“أهلا بيك لقد حصلت على point  🎯  للحضور في الموعد🎊  مجموع points الخاص بك حقق Score كامل 🏆” !!!!

وبعد شغل اليوم الطويل وانت خارج من الشغل تلاقي اللوحة نفسها وانت بتسجل خروج ظهر عليها سجل points بتاعك و وزاد عليها كمان Score اليوم و لقيت انك حققت كمان  Scores 3 جداد علشان خلصت مشروع كبير مع فريقك ودة هيديك مكافئة🎖 في نهاية الشهر.💪👏

الطريقة دي في تحفيز العاملين بتحويل بيئة العمل الرتيبة المملة لبيئة تفاعلية أشبه Game Field

ببساطة “استخدام عناصر تصميم الألعاب في غير سياق الألعاب لتحفيز المشاركين وزيادة دافعيتهم”

و إسمها التلعيب   Gamification

في العصر الحديث بالتحديد 2003 ظهر المصطلح دة في محاضرات( نيك بيلينج المبرمج البريطاني) إلي فضل يأكد على المفهوم دة ودوره في تغيير البيئات الجامدة زي العمل والتعليم والجهات الحكومية وغيره؛ وفي سنة 2007 تأسست شركة Bunchball أول شركة بتقدم دعم فني لتحويل بيئات العمل ل game field ومن 2010 انتشرت الشركات الي فعلا حققت نتائج في رفع الإنتاجية و تحسين تسيير العمل بالطريقة دي.

أول ظهور للمصطلح دة كان 1973م 😳

أسس تشارلز كونرادت خدمة إستشارات للشركات بعنوان

(لعبة العمل) الي كان فيها بيساعد المديرين يتعاملوا مع الموظفين بصورة أكتر فاعلية بأسلوب اللعب التفاعلي والف كتاب بيجمع فيه كل تجاربه في المجال دة سنة 1984م.

و فعلا في مجموعة عناصر ل( Gamification ) بقيت متعارف عليها في بيئات العمل ممكن تميز بسهولة ارتباطها بمبادئ اللعب زي مثلا:-

🏆المهام (tasks): المطلوب منك تنفيذها.

🏆النقاط (Points): الدرجات التقييمية الي بتتاخد على المهام الي بتتنفذ بنجاح.

🏆الشارات (Badges): ودي مكافئة معنوية زي   (top fan)، الي بتديهالك Facebook لما تتفاعل باستمرار على صفحة معينة.

🏆قوائم المتصدرين (Leaderboards): القوائم التي تظهر ترتيب الأفراد، مثلًا ترتيب فريق العمل بناءً على الأعلى في تحقيق مبيعات أكتر.

🏆التحديات (Challenges): هي صعوبات بتواجه الموظفين أثناء تنفيذ المهام، دة بيزود الاستمتاع أكتر لأنه تحدي بالنسبة لهم.

🏆المكافآت (Rewards): العنصر الأخير وتمثل النتيجة ( الهدية) سواء مادية أو معنوية ، مثلًا خصومات أو عروض مجانية أو مكافأة مادية ودة طبعا بيحسن أداء العمال والموظفين وبيزود ارتباطهم ببيئة العمل و انتاجيتهم ودافعيتهم للنجاح والتفوق كمان بتخلق علاقة إيجابية وفعالة بين فريق العمل خصوصا لو كانوا فرق عمل بينهم تنافس في أداء المهام.

🏆المستهدف الشهري (The Target of the month): الي بتحقيقه هتاخد مكافئات وعلاوات زيادة وهكذا.

🏆تقييمات العملاء (Customer evaluation): ودة مؤشر مهم لإعطاء حوافز و زيادات أو حتى مكافئات معنوية.

🏆العمل الجماعي Team Work: بيبقى ليه برضه تقييم ومكافئات.

في برضه وسائل مرتبطة أكتر بالعملاء ودي بتبقى مفيدة جدا في تحفيزهم لزيادة الشراء، وتشجيع غيرهم للشراء؛ زي مثلا

🎖 برامج الولاء للعملاء. ودي برامج بتمنح نقاط للعملاء، عند إجرائهم  عمليات شراء كذا مرة متتالية وساعتها بيقدم مكافآت وجوائز ليهم.

🎖كتابة التقييمات (Reviews): زي لما تدي 5 نجوم لمنتج ما أو لفندق زرته أو حتى كابتن اوبر أو ان دريف الي وصلك النهاردة.

🎖تقديم الشهادات (testimonials): يعني مش بس نجوم لأ كمان رأيك في منتج أو فريق الهاوس كيبنج بتاع فندق او منتجع زرته.

🎖مشاركة المحتوى like ,share: زي ما هطلب منك دلوقتي لايك وشير للمقالة دي مع أصحابك على الفيس بوك 😉

🎖عمليات الشراء المعتادة: كنوع من تأكيد ولائك لماركة معينة أو موقع ما زي أمازون و جوميا

🎖إحالة الآخرين إلى الشراء: بتدي العملاء تخفيضات و كوبونات لو بعت لأصحابك عروض ماركة معينة كأنك مسؤول مبيعاتهم.

🎖العروض الحصرية:- والي بتتقدم لعملاء معينة بسبب تحقيقهم لشروط معينة أو عدد من النقاط وهكذا.

وفي وسائل تانية كتير وأفكار تسويقية سواء للعاملين أو العملاء مقتبسة أساسا من أسلوب Gamification.